القائمة الرئيسية

الصفحات

كيف تجيب شغل و عملاء كـ فري لانسر؟

اليوم سوف نتكلم بشرح كيفية التسويق لخدماتك الرهيبة مهما كنت بتشتغل
‏⁧وهذه المقالة سوف تساعدك خطوة بخطوة عشان تجيب أول عميل😎

لذلك لخصنا هذا الموضوع ل‏7 خطوات بسيطة وملفات و أدوات رهيبة فهيا بنا؟🤩💡💰
free lancer

في البداية: أحب ان أهنيك على هذه الخطوة الرهيبة... أنت الآن المسؤول الأول و الأخير عن راتبك الشهري... أنت سوف تعمل الآن كل الأشياء بنفسك... نعم ستصبح سوبر هيرو🦸🏽‍♀️🦸🏽‍♂️
مبروك يا دريمر و يارب تكون بداية خير عليك
أتمنى إنك لما اخذت هذه الخطوة يكون فيه عندك بعض المدخرات التي ستساعدك حتى تصل الى بر الأمان💪🏽


1- تحتاج أول شي تعرف إيش رسالتك في الحياة...
يس ما تستغرب لازم يكون عندك رسالة في الحياة عشان تبدأ تتميز فيها عن كل الأشخاص اللي بيعملوا نفس اللي بتعمله
مثال: 
مصمم جرافيك فيه له 7 مليون منافس محليا و عالميا.
أو
مصمم جرافيك مهتم بالبيئة و الزيرو ويست له 30 منافس فقط.


لذلك يجب عليك ان توصل لرسالتك وتفهمها جيداً و تكون نابعة نتيجة لأهم 4 أشياء في الحياة:
1- أشياء إنت تحبها.
2- أشياء إنت فنان فيها.
3- أشياء يحتاجها العالم.
4- أشياء الناس دفعوا لك عليها.


2- تحتاج تعرف إيش قيمتك المضافة في البزنس...
يعني ليش أجي عندك ما أروح عند منافسك؟
عملت هنا ملف بسيط يساعدك تعرف إيش قيمتك المضافة


3- تحتاج تعرف بشكل واضح و صريح مين هو عميلك...
دائما و أبدا فكّر وخطط مين حيشتري أول بعدين بالخدمة وليس العكس لأنه هذه الطريقة تخليك تعمل الخدمة مفصّلة على عميلك المطلوب وبالتالي نسبة نجاح أعلى..
لازم تعرف كللل شي عن عميلك بداية من اسمه لين فين ساكن إيش بيشتغل و كم راتبه


هنا عملت لك ملف سريع خفيف يساعدك تتعرف بشكل أفضل على عميلك المطلوب.
http://bit.ly/strongpersona

وايضا تحتاج تجهّز خدماتك اللي حتعملها بلسته وحدة وجنبها الأسعار و التعديلات اللي احتمال يطلبها العميل.
أبدا أبدا أبدا لا تكون مسبّع الكارات قدام العميل.
إذا إنت جرافيك ديزاينر فإنت بس جرافيك ديزاينر ما تعبي و تحدّث حافز و تعمل عروض بوربوينت. إنت جرافيك ديزاينر و لو تتخصص أحسنين.


4- تحتاج تبني وجودك الإلكتروني:
يعني موقع بروفيشينال تقدر تعمله من هنا بكل بساطة و بكم ضغطة زر بس بدون الحاجة لمهارات برمجة أو تصميم.
http://squarespace.com
و حسابات سوشال ميديا مرتبة منفصلة عن الحسابات الخاصة.


5- تحتاج تبني لنفسك هوية بصرية و شخصية لطيفة
اللوجو يكون بروفيشينال و يتحط بشكل مرتب البايو يتكتب بنظافة و بدون أي تحيزات أو عنصرية أو اتجاهات سياسية أو رياضية أو شحادة.



6- تحتاج تبدأ تحط محتوى يومي.
و عندي هنا طلب صغير....
إذا إنت مصمم جرافيك لاتعمل محتوى للناس كيف تصير مصمم كويس لأنه دول مو عملاءك.
إنت تحتاج تحط محتوى يساعد عملاءك على أداء مهامهم اللي تطلب وجودك و شوي شوي حيبدؤوا يلاحظوا وجودك و يشغلوك.


مثال: مصمم مهتم بالبيئة
المحتوى المطلوب:
كيف نحافظ على البيئة بدون نفايات "تصميم لطيف رهيب يعكس مهاراتك في التصميم و قدرتك و حبك و تشربك للموضوع.


7- تحتاج ترسم كل الخطوات اللي حيمر فيها العميل بداية من إنه كلمك أول مرة لييين إنك سلمته التصميم
و ممكن حتى تخليها بعد انتهاء المشروع بكم شهر زي مثلا:
- يلاقيني أون لاين عن طريق بوست.
- يدخل يسألني على الخاص> إيش المسج اللي حإرسلها؟
- يطلب اقتراح > عندي نماذج جاهزة؟


- يطلب فاتورة> عندي نموذج واضح فيه الحساب البنكي و الهوية و كامل تفاصيل الطلب؟
-عجبه الشغل > ممتاز الخطوة اللي بعدها
- ماعجبه الشغل > إيش أعمل؟
-كيف تتقسم الدفعات؟
وهكذا...
كل ما عرفت تزبط الخطوات دي كل ماكانت فرصتك بإنك تحصل على العمل و تزبطه ويعجب العميل أكتر.


استمر على هذه الطريقه ل شهرين بشكل مستمر يومي و أنا أضمن لك إنك تجيب الكثير من العملاء
والكثير من الربح ان شاء الله🤩💰
هل اعجبك الموضوع :

تعليقات